Policia e Kurbinit ka arrestuar një të ri dhe ka shpallur në kërkim babain e tij, pasi u janë gjetur në banesë arsenal armësh dhe municion luftarak, si dhe bizhuteri dhe targa të vjedhura.
Në kuadër të operacionit policor të koduar “Gold and Guns” është vënë në pranga shtetasi Geri Rizvani (Lika), 25 vjeç, si dhe është shpallur në kërkim babai i tij, shtetasi Zyhdi Lika, 48 vjeç.
Autoritetet policore bëjnë me dije se gjatë kontrollit të ushtruar në banesën e këtyre shtetasve, kanë gjetur dhe sekuestruar në cilësinë e provës materiale:
- Dy armë zjarri pistoleta dhe municion luftarak;
- Një armë gjahu teke (Berreta) dhe një sasi fishekësh për armë gjahu;
- Një palë dylbi si ato të armës së zjarrit snajper;
- Një sasi bizhuterish të dyshuara të vjedhura;
- Dy palë dylbi, dy automjete dhe dy targa franceze të dyshuara të vjedhura.
Materialet procedurale i kaluan Prokurorisë së Lezhës për veprime të mëtejshme.’- njofton policia.
