Roma regjistron fitoren e dytë radhazi me Daniele De Rossin si trajner. Skuadra kryeqytetase triumfoi 1-2 në “Arechi” përballë Salernitanës së vendit të fundit.
Pjesa e parë nuk prodhoi asnjë gol, ndërkohë që miqtë fituan një penallti në minutën e 51’. Të cilën Paulo Dybala e ktheu në gol.
Roma nuk u ndal dhe gjeti golin e dytë çerek orë më vonë falë realizimit të kapitenit Lorenzo Pellegrini.
Salernitana reagoi dhe rihapi takimin në minutën e 70’. Qiprioti Grigoris Kastanos mposhti Rui Patricion, duke ndezur shpresat e barazimit.
Por vetëm kaq, verdhekuqtë menaxhuan minutat e mbetura dhe siguruan tri pikë të arta për objektivin Champions League.
Skuadra e Pippo Inzaghit mbetet në vendin e fundit të renditjes, teksa Roma është ngjitur përkohësisht e pesta.
