Dy persona të maskuar dhe të armatosur kanë grabitur pak pas orës 3 të mëngjesit një pikë lojrash fati në rrugën “Gounari” në Glifadha, sipas mediave helene.
Me armë ata kanë kërcënuar punonjëse 44-vjeçare të pikës dhe pasi e kanë neutralizuar, kanë marrë paratë nga kasa dhe janë larguar me vrap.
Policia u njoftua menjëherë për ngjarjen dhe duke pasur në duar përshkrimin e mjetit me të cilin u arratisën autorët, arriti t’i lokalizojë.
Skuadra OPKE ndaloi mjetin dhe vuri në pranga dy autorët me origjinë shqiptare të moshës 23 dhe 26 vjeç.
