30-vjeçari Reval Hysenaj, banues në Fier, është arrestuar nga policia në Korçë. Ai ishte shpallur në kërkim për mashtrim kompjuterik dhe punësim të paligjshëm.
Policia bën me dije se gjatë kontrollit fizik Hysenajt, i janë gjetur edhe disa doza kanabisi gati për shitje.
Ai është shoqëruar në polici për veprime të mëtejshme proceduriale.
Njoftimi i policisë:
Specialistët e Seksionit për Hetimin e Krimeve Ekonomiko-Financiare të DVP Korçë bënë ekzekutimin e urdhrit të Prokurorisë, për ndalimin e shtetasit të shpallur në kërkim R. H., 30 vjeç, banues në Fier.
Ky shtetas u kap nga shërbimet e Komisariatit të Policisë nr.4, Tiranë, në rrugën “Dalip Topi” dhe gjatë kontrollit fizik iu gjet dhe sekuestrua një sasi e vogël me lëndë të dyshuar narkotike cannabis sativa. Ky shtetas ishte shpallur në kërkim në kuadër të operacionit “Kriptonite”, të zhvilluar më datë 28.12.2023, nga strukturat e DVP Korçë, për veprat penale “Mashtrimi kompjuterik”, “Pastrimi i produkteve të veprës penale ose veprimtarisë kriminale” dhe “Punësimi i paligjshëm”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
