Këto ditë të ftohta dimri, kryefjala në çdo familje shqiptare është ngrohja por shtresat më delikate të shoqërisë ndihen të braktisur nga qeveria Rama.
Që nga ngrohja në diell e deri tek shishet me ujë të ngrohtë nën shtrat, kjo është “zgjidhja” nga halli e mijra familje pensionistash me qëllim për të kursyer energjinë elektrike.
“Me dru. Edhe ato do i fusim me kursim të madh, se mbarojnë shumë shpejt ato, se i thonë 80 mijë lekë 1 metër dru”, thotë një qytetar.
“Ku ja dalim dot ne ta lëmë 2 orë në ditë ne atë. Vetëm kur hamë bukë e ndezim, pastaj në batanije e bidonin tek këmbët”, shprehet një e moshuar.
Pavarësisht mënyrave të ndryshme, që zgjedhin për t’i bërë ballë të ftohtit në banesat e tyre, e përbashkët mbetet vetëm një gjë: Pakënaqësia për shpenzimet e larta.
“Duke mos gatuar, se gatuaj me gaz, më shkon fatura 70 mijë”, thotë një grua.
“Unë harxhoj mesatarisht 100 mijë lekë, në verë më pak, por në dimër 100-120”, shprehet një qytetar.
