Alma Beqiri, e cila përvetësoi 3 milionë euro përmes mashtrimit në një postë private në Korçë, është dërguar në gjyq. Ajo akuzohet për kryerjen e veprës penale të ‘Mashtrimit’ me pasoja të rënda.
Nga hetimet rezultoi se si agjente rajonale e postës private me pronar viktimën F.Z., e pandehura ka kryer transaksione të shumfishta fiktive duke blerë mallra tek persona të tjerë dhe duke raportuar fiktivisht se këto mallra ishin paguar.
Në të njëjtën kohë, duke marrë pagesat e mallrave tek persona të tretë, e pandehura i ka raportuar si të paguara por nuk i ka depozituar pagesat duke përfituar në këtë mënyrë nëpërmjet mashtrimit një vlerë rreth 3 milionë euro.
