Të shtëna me armë zjarri janë regjistruar mbrëmjen e kësaj të enjte në Durrës. Autoritetet policore raportojnë se shtetasi Gentian Kuqi, 50 vjeç, ka plagosur me armë zjarri pistoletë komshiun e tij, shtetasin Mikel Spirollari, 40 vjeç
Mësohet se ngjarja ka ndodhur në lagjen nr 4 të qytetit bregdetar, pas një konflikti të çastit mes dy komshinjëve. Burime bëjnë me dije se Mikel Spirollari ka marrë dy plumba në trup dhe është transportuar me urgjencë në spital.
Shkak i konfliktit mes dy komshinjëve mësohet se ka qenë zhurma e shkaktuar në banesën e të plagosurit. Gentian Kuqi është arratisur në drejtim të paditur, pasi ka plagosur komshiun e tij.
Policia bën me dije se ka rrethuar zonën dhe vijon puna për kapjen e autorit.
