Një aksident automobilistik është regjistruar pasditen e kësaj të enjte në rrugën nacionale Burrel-Klos, ku dy automjete janë përplasur me njëra-tjetrën.
Si pasojë e aksidentit mësohet se kanë mbetur të plagosur tre persona, teksa ngjarja ka ndodhur në vendin e quajtur Suç.
Nga informacionet e para mësohet se të plagosurit janë nisur drejt spitalit, por ende nuk dihet gjenda e tyre shëndetësore.
Policia ndodhet në vendin e ngjarjes dhe po heton për zbardhjen e plotë të shkaqeve të aksidentit.
