Një zjarr masiv ka rënë këtë të mërkurë, në një qendër tregtare në Beograd. Ende nuk dihen shkaqet e zjarrit, ndërsa fatmirësisht nuk raportohet për të lënduar.
Mediat vendase shkruajnë se në shuarjen e flakëve janë angazhuar 76 zjarrfikës, ndërsa është dashur edhe ndërhyrja nga ajri me helikopterë për neutralizimin e zjarrit.
“Ne shpëtuam një numër dyqanesh … ishte një sfidë për të parandaluar njerëzit të hynin për të shpëtuar pronën e tyre,” u tha gazetarëve zyrtari i urgjencës Ivica Causic.
Zjarrfikësit paralajmëruan njerëzit që të qëndronin larg, ndërsa policia tha se po heton shkaqet.
