Dy shtetas shqiptarë janë arrestuar nga policia në Spanjë pasi janë kapur duke punuar në shtëpi bari.
Mediat vendase shkruajnë se dy shqiptarët përkatësisht të moshave 19 dhe 27 vjeç, kishin marrë një fermë me qera nga fqinji i tyre dhe e kishin kthyer në shtëpi bari.
Dyshimet nisën pas një hetimi të iniciuar me qëllim evidentimin e humbjes së energjisë elektrike në rrjet.
Por kur agjentët hynë brenda në godinë, gjetën një plantacion në prodhim të plotë, me gjithsej 612 bimë cannabis, si dhe dy shqiptarët. Në fermë ishin ngritur dy zona kultivimi.
