Një 31-vjeçar shqiptar i shpallur në kërkim nga Interpol Tirana është arrestuar në Greqi. Ai ishte shpallur në kërkim, pasi ishte dënuar në Shqipëri me 4 vjet e 8 muaj burg për “kultivim bimësh narkotike”.
Mediat greke raportojnë se shqiptari fshihej në fshatin Pinia të Amaliadhës, duke punuar në bujqësi.
Sipas policisë greke ai kërkohej nga pala shqiptare për kultivimin e një parcele me 400 rrënjë “cannabis sativa” në Fier. Nga informacionet e medias greke, ai rezultonte “truri” i ngritjes së këtij plantacioni në jug të Shqipërisë. Ditën e djeshme ai është paraqitur në Prokurorinë e Patras ku është marrë masa e paraburgimit deri në vendimin për ekstradimin ose jo të tij.
