Blegtorët e fshatit Levan të Fierit, kanë dalë në protestë mëngjesin e kësaj të marte, dhe kanë bllokuar rrugën Levan-Vlorë.
Protesta është nxitur nga ulja drastike e çmimeve të qumështit nga fabrikat përpunuese, nga 180 lekë të reja për liter në vitin 2023, në vetëm 120 lekë të reja për liter sot.
Kjo ulje çmimi ka sjellë një krizë të thellë financiare për blegtoret, duke i detyruar disa prej tyre të mbyllin bizneset e tyre ose të therin tufat e deleve.
Kujtojmë se një protestë e ngjashme u zhvillua dje në qytetin e Gjirokastrës.
