Pas më shumë se 6 orësh, Agron Neza ka dalë SPAK, ku u mor në pyetje në Prokurorinë e Posaçme në lidhje me përmendjen e tij në çështjen “McGonigal”.
“Pyesni prokurorin se përse ndodhem në SPAK”, tha shkurtimisht ai.
Emri i Agron Nezës është përmendur në dosjen e ish-zyrtarit të FBI-së, Charles McGonigal, i cili dyshohet se ka marrë para nga një ish-punonjës i shërbimeve inteligjente shqiptare dhe nuk ka raportuar kontaktet dhe lidhjet me zyrtarë të shteteve të tjera.
Ai nuk është akuzuar për asnjë vepër penale, por përmendet si personi A, i cili i ka paguar agjentit të FBI 225.000 dollar për influencë tek autoritetet shqiptare me përfitime në biznes, para që McGonigal nuk i ka deklarurar.
Gjithashtu, në aktakuzë tregohen shumë aktivitete të tjera të Agron Neza me ish zyrtarë të FBI, ku thuhet ‘’se në shtator 2017, në Shqipëri, i pandehuri McGonigal u prezantua nga personi A, pra Agron Neza, me një politikan i cili ishte njëherazi edhe biznesmen, i cili i tha të pandehurit McGonigal se donte dikë për të hetuar një atentat të dyshuar për ta vrarë atë”.
Përmendet në dosjen e “McGonigal”, Agron Neza paraqitet në SPAK
