Një sherr që ka degraduar në përplasje fizike ka ndodhur këtë të diel në Peqin. Një 40-vjeçar ka dhunuar për arsye ende të paqarta gruan e tij dhe vjehrrën.
Mësohet se gjatë kontrollit fizik nga policia 40-vjeçarit i është gjetur edhe një mjet prerës thikë. Ai është shoqëruar në komisariat pvr veprime të mëtejshme proceduriale.
“Shërbimet e Komisariatit të Policisë Peqin, menjëherë pas marrjes së njoftimit për një rast dhune në familje, në lagjen “Xhami”, kanë organizuar punën dhe kanë shkuar në adresën e dhënë, me qëllim kapjen dhe nxjerrjen përpara përgjegjësisë ligjore të autorit të këtij rasti.
Si rezultat i veprimeve të shpejta policore, u bë kapja dhe arrestimi në flagrancë i shtetasit 40 vjeç, banues në Peqin, pasi ka ushtruar dhunë fizike ndaj bashkëshortes së tij, e cila është e pajisur me urdhër mbrojtjeje, dhe ndaj nënës së saj, në banesën ku jetonin këto dy shtetase”,- njofton Policia.
Gjatë kontrollit fizik, shërbimet e Policisë i gjetën 40-vjeçarit, 1 mjet prerës (thikë), i cili u sekuestrua në cilësinë e provës materiale.
