Një 56-vjecar shqiptar është arrestuar nga policia në Greqi, pasi akuzohet për përdhunim dhe vepra të turpshme me të mitur.
Bëhet fjalë për shtetasin Kozma Dhimitër Papa, nga fshati Dhrovjan i Bashkisë Finiq. Ai ka abuzuar seksualisht me një 8-vjeçare. Ka qënë nëna e vajzës që zbuloi rastësisht fotot e vajzës së saj në telefonin e autorit (me të cilin kishte njohje) dhe pasi verifikoi vërtetësinë e fakteve, e denoncoi atë në polici dhe prokurori.
56-vjecari, pritet të përballet me vepra të dënueshme të parashikuara në 7 nene të kodit penal për krimet ndaj të miturve nën 14 vjeç. Ai do të dërgohet në gjykatë për masë sigurie paraditen e së hënës.
