Deputetët e partisë Demokratike kanë bllokuar Komisionin për Reformën Zgjedhore.
Gazment Bardhi dhe deputetët e tjerë të opozitës kanë shkuar në ambientet ku do të mbahej Komisioni për Reformën Zgjedhore para se të niste orari zyrtar i zhvillimit të këtij komisioni me qëllim për të mos lejuar zhvillimin e tij. Deputetët demokratë i kanë zënë vendin atyre të PS-së.
Teksa deputetët e opozitës vijojnë të mbajnë të bllokuar sallën, socialisti Blendi Klosi është zhvendosur në një ambient tjetër të Kryesisë. Klosi është pyetur nga gazetarët se nëse i kanë zënë vendin, ai është përgjigjur: “Mua ma ka dhënë vendin populli me votat e tij. Le t’i mbajnë karriget”.
Gjithashtu Flamur Noka është përplasur me homologët e tij të Partisë Socialiste të cilëve ua bëri të qartë se Reforma Zgjedhore nuk do të zhvillohet me mercenarë duke thumbuar “besnikët” e Bashës për të cilët thotë se kanë bërë “pazar” me Edi Ramën.
“Mesazhi është i thjeshtë me kryetaro reformë nuk bën dot as Edi Rama, askush. Ose bëhet reformë ose mercenarë jo”, tha Noka.
Deputetët e opozitës bllokojnë Komisionin e Reformës Zgjedhore
