Konflikti për përbërjen e anëtarëve të komisionit të posaçëm mesa duket do të vijojë. Opozita kërkon zëvendësimin e Enekeljd Alibeajt – nga grupi Basha, me argumentin se nuk është përfaqësues i tyre.
Ky i fundit, ndërkohë, duket se nuk ka ndërmend të tërhiqet. Qëndrim që e theksoi edhe këtë të premte gjatë një konference për mediat, para nisjes së mbledhjes së komisionit.
“Për të qenë i sinqertë dhe realist unë jam përfaqësues i PD, s’marr përsipër të jep përfaqësues i partive të tjera opozitare”, tha Alibeaj.
“Unë s’mbaj asgjë të pamerituar”, shtoi ai, duke iu referuar pozicionit si bashkëkryetar i komisionit të posaçëm.
