Indrit Spata, 23 vjeç, është arrestuar nga policia në Angli pasi është kapur duke punuar në një shtëpi bari.
Ai është kapur duke u kujdesur për 505 bimë kanabisi, me një vlerë të mundshme prej 250,000 £. Sipas mediave të huaja, i riu kishte disa vite që ndodhej në Mbretërinë e Bashkuar nga Shqipëria.
I riu ndodhet tashmë në duar te autoriteteve dhe pritet që të dalë para gjykatës. Në raportin për të, specifikohej se në momentin e arrestimit, i riu ka qenë i veshur me rroba të shtrenjta dhe syze të një firme të njohur.
Dominic Bardill avokati që përfaqësonte Spatën është shprehur se: “Ai kishte një shkallë papjekurie dhe naiviteti.
“Ai nuk po drejtonte operacionin, por pranon se ajo që ka bërë është e gabuar dhe është penduar.”
Bardill i tha gjykatësit se klienti i tij kishte dashur të fitonte para për të ndihmuar familjen e tij në shtëpi që të mblidhte para për të paguar një gur lapidari për xhaxhain e tij të ndjerë.
