Autoritetet në Gjermani kanë arrestuar dy shtetas shqiptarë pasi akuzohen për mashtrim.
Dy shqiptarët identiteti i të cilëve ende nuk bëhet me dije, kanë tentuar të blejnë një automjet duke u hequr si punonjës banke.
Mediat vendase shkruajnë se ata u paraqitën si punonjës banke dhe bënë një transferim prej 21.300 eurosh nga llogaria e një 67-vjeçari nga zona e Dresdenit në llogarinë e një kompanie makinash në Homberg/Efze. Mirëpo, ky i fundit e ka vërejtur debitimin dhe ka kontaktuar me shitësin e makinave, i cili ka njoftuar policinë.
Si rezultat dy shqiptarët përkatësisht të moshave 40 dhe 47 vjeç janë vënë në pranga nga policia.
Vijojnë hetimet për zbardhjen e plotë të rastit.
