Arbër Zeneli nuk do të jetë më pjesë e Adana Demirspor. Sulmuesi i përfaqësueses së Kosovës i ka dhënë fund aventurës së tij në elitën e futbollit turk, pas vetëm disa muajsh.
Kujtojmë që Zeneli u transferua tek Adana Demirspor në muajin shtator të 2023-shit, teksa me klubin turk luajti 13 ndeshje, ku gjeti vetëm një asist pa e provuar asnjëherë “shijen” e golit.
Edhe pse kontrata e shqiptarit ishte e vlefshme deri në vitin 2027, ai vendosi të ndërpresë bashkëpunimin. Tashmë 28-vjeçari është lojtar i lirë dhe po shqyrton pista të mundshme ku mund të vazhdojë karrierën.
