Dhoma e Avokatisë së Shqipërisë ka dalë me një reagim zyrtar në lidhje me deklaratën e bërë fundvitin e kaluar nga kryetari i Gjykatës së Lartë, Sokol Sadushi, i cili kritikoi avokatët për mënyrën se si i bëjnë rekurset.
Në deklaratën e Dhomës së Avokatisë theksohet se e kanë konsideruar si një lapsus deklaratën e Sadushit, duke pritur një ndjesë prej tij, gjë që nuk ka ndodhur.
Sipas Dhomës së Avokatisë, Sokol Sadushi duke fajësuar rekurset e bëra pa të drejtë nga avokatët, u shfajësuat lidhur me vonesat e gjykimit të çështjeve në Gjykatën e Lartë e për rrjedhojë edhe të stokut të krijuar ndër vite.
Më tej thuhet se me ketë kapërcim artificial të shkakut real të stokut, duke e faturuar tek numri i lartë i rekurseve, kreu i Gjykatës së Lartë nuk bëri prezent shkaqet e vërteta te krijimit të vonesave në gjykim te krijuara ne vite. Sipas avokatëve, Sadushi duhet të ishte transparent dhe të pranonte shkakun real të vonesave e për rrjedhoje të stokut për shkak mosparashikimeve si dhe të mosmanaxhimit te problemeve qe do te passillte zbatimi i reformes ne drejtesi.
Dhoma e Avokatisë po ashtu sqaron se me atë deklaratë, Sokol Sadushi cënoi hapur dy te drejta bazike, “së pari, të drejtën individit per t’ju drejtuar gjykatave në mënyrën që e vlerëson ai në kërkimin e një të drejte dhe së dyti te drejten per te ushtruar pa kufizim ushtrimin dhe realizimin e mbrojtjes nga avokatet, si dy te drejta themelore te sanksionuar ne kushtetute”.
Deklaratë për Shtyp
Dhoma e Avokatisë së Shqipërisë nëpërmjet kësaj deklarate, me keqardhje dhe shqetësim të madh bën me dije gjithë opinionin publik dhe komunitetin e juristëve, qëndrimin e saj në përgjigje të prezantimit në media dy ditë para mbylljes të vitit 2023, të Kryetarit të Gjykatës së Lartë lidhur me instalimin e një praktike unikale dhe te paparë e padëgjuar në praktikën gjyqësore të çdo vendi demokratik apo vendi ne zhvillim, me anën e të cilit, kërkohet të gjobiten të gjithë rekursbërsit, duke nisur nga avokatët në të gjitha ato raste kur rekurset nuk pranohen nga gjykata.
Në emër të avokatëve të Shqipërisë, i drejtohemi Kryetarit te Gjykatës se Larte se : “ bërja publike e kësaj deklarate nga Dhoma e Avokatisë së Shqipërisë duhej të ishte bërë të nesërmen e deklaratës Tuaj dhe jo sot”.
Kjo vonesë, nëse do e quajmë të tillë, ka te bëjë me faktin e pritjes të reflektimit tuaj nëpërmjet kërkimit të ndjesës publike, duke e konsideruar ate si një lapsus.
Mos reflektimi dhe mostërheqia nga qëndrimit juaj, me shpresën se ky është nje qëndrim tërësisht personal na detyroi ne Dhomës e Avokatisë e Shqipërisë të bëjmë të qartë se:
Ju duke fajësuar rekurset e bëra pa të drejtë nga avokatët u shfajësuat lidhur me vonesat e gjykimit të çështjeve në Gjykatën e Lartë e për rrjedhojë edhe të stokut të krijuar ndër vite.
Me ketë kapërcim artificial të shkakut real të stokut, duke e faturuar tek numri i lartë i rekurseve Ju, nuk bëtë prezent shkaqet e vërteta te krijimit të vonesave në gjykim te krijuara ne vite.
Ju duhet të ishit transparent dhe të pranonit shkakun real të vonesave e për rrjedhoje të stokut për shkak mosparashikimeve si dhe të mosmanaxhimit te problemeve qe do te passillte zbatimi I reformes ne drejtesi.
Duam t’ju kujtojmë se reforma në drejtesi u bë për shkak të shumë problemeve të krijuara ne vite, veçanërisht korrupsionit që kishte mbërthyer organet e dhënies së drejtesise dhe organet e ngritjes së akuzës, përkatësisht gjyqësorit dhe prokurorisë e aspak të avokateve.
Rëndësinë dhe rolin e avokatëve, ju e dini shumë mire i nderuar Kryetar i Gjykatës së Lartë. Gjithashtu Ju, dhe kushdo e ka të qartë që korrupsioni fillon dhe mbaron atje ku jepet drejtesia dhe jo atje ku kërkohet drejtësi dhe mbrohen interesat legjitime të një paleve në proçeset civile, penale e administrative.
Zoti kryetar, Ju dhe kushdo e ka të qartë që avokati përfaqëson dhe shpreh interesat dhe vullnetin e atij qe mbron, ( Klientit ), e për rrjedhojë çdo rekurs është shprehje ekskluzive e vullnetit të individit si person fizik apo juridik i cili shpreson tek drejtësia dhe apelon në çdo shkallë te gjykimit përfshi edhe Gjykatën e lartë.
Me këtë deklarim dhe qëndrim Ju cënoni hapur dy te drejta bazike, së pari, të drejten individit per t’ju drejtuar gjykatave në mënyrën që e vlerson ai në kerkimin e një të drejte dhe së dyti te drejten per te ushtruar pa kufizim ushtrimin dhe realizimin e mbrojtjes nga avokatet, si dy te drejta themelore te sanksionuar ne kushtetute.
Zoti Kryetar, Avokatia është një shërbim i pavarur nga organet e Gjyqësorit dhe Prokurorisë e për rrjedhojë në sallën e gjykimit pozicioni yne në përfaësimin e interesave të palëve duhet të jenë të barabrta dhe te trajtohet teresisht dhe smund të kufizohen nga vullneti me asnje akt apo mjet.
Kjo nuk është orvajtja e parë dhe e vetme, kohët e fundit në hallkat e gjyqësorit po ngushtohet aksesi i individit në drejtësi e për rrjedhojë edhe ai i ushtrimit të profesionit të avokatit në gjykimin e proçeseve penale, civile dhe administrative. Me keqardhje konstatojme praktiken e instaluar nëpermjet gjykimit në dhomat e këshillimit pa pjesmarrjen e avokateve dhe palëve, praktikë e cila nga e fiksuar në ligj si një gjykim i veçantë është kthyer në gjykim të zakonshëm .
Ju vëmë në dukje se kjo praktikë është në kundërshtim me konventat ndërkombetare, me kushtetutën tonë dhe me kodet e proçedurave si dhe me praktikën e Gjykatës Europiane të Të Drejtave të Njeriut, lidhur me parimin e një proçesi të drejtë e ligjor. Aty ku barazia e palëve dhe degjimi i tyre drejtëpërdrejtë nga gjykata janë parime gjykimi bazë për marrjen e një vendimi të drejtë bazuar në ligj e prova. ,
Zoti Kryetar i Gjykates së Lartë deklarata Juaj përfundimisht sanksionoi qëndrimin e shkallëzuar që i është bërë ndër vite ushtrimit të profesionit të avokatit nga legjislativi nga ekzekutivi dhe tashmë së fundmi edhe nga Ju, duke uruar dhe shpresuar qe deklarata Juaj ishte teresisht personale dhe jo nga trupa e nderuar a Anetareve te Gjykates se Larte, po ju drejtojmë edhe pyetjen:
Deklaruat se keni dhene dënimin me gjobë të avokatëve për paraqitje të rekurseve të pabazuar, po per rekurset e pabazuara te prokurorëve, avokatëve të shtetit dhe institucioneve, a keni dhene ndonje vendim te tille ?
Se fundmi, sa siper me keqardhje vleresojme se, qëndrimi ndaj institucionit të avokatise sot, ne nje vend qe aspiron dhe ka filluar procedurat per antaresimin ne Bashkimin Europian, është shumë herë më i rëndë nga ajo që ndërmori regjimi totalitar që lam pas i cili, hapur mbylli dhe hoqi dhunesisht per 25 vjet institucionin e avokatisë ne procesine e dhenies te drejtesise.
Dhoma e Avokatisë e Shqipërisë
K r y e t a r i
Prof Dr. Maksim HAXHIA
