Paulo Dybala, sulmues i Romës, reagoi në rrjetet sociale me një mesazh për shkarkimin e Jose Mourinhos, i cili u largua nga drejtimi teknik i Romës këtë të martë.
“Faleminderit Mister! Faleminderit për gjithçka… Puna me ju ishte një kënaqësi e madhe. Faleminderit për këshillat dhe për çdo fjalë. Ju uroj ju dhe ekipin tuaj më të mirën. Shpresoj të shihemi së shpejti”, ka shkruar argjentinasi në Instagram.
Ndërkohë pas shkarkimit të MOurinhos, drejtimin e skuadrës e ka marrë Daniele De Rossi. Ai ishte larguar nga klubi si lojtar në vitin 2019 përpara se të kalonte një periudhë të shkurtër te Boca Juniors. Tashmë ish-kapiteni rikthehet në Trigoria për të drejtuar skuadrën të paktën deri në fund të sezonit.
