Messi, Mbappe apo Halaand? Tre yje për një çmim, lojtarin më të mirë në botës sipas FIFA-s për vitin 2023, çmim i krahasueshëm me Topin e Artë, pavarësisht se më pak prestigjioz në raport me atë që jep revista prestigjioze franceze “Francë Futboll”.
Qeveria e futbollit botëror shpërndan sonte në mbrëmjen e zakonshme Gala, çmimet për më të mirët e futbollit për meshkuj e femra për vitin 2023.
Haland, Messi dhe Mbappe janë zgjedhur nga një juri e përbërë me ekspertë të futbollit si tre kandidatët kryesorë për çmimin më të rëndësishëm për paraqitjet e tyre nga dhjetori i vitit 2022 deri në gusht të vitit 2023.
Favorite referuar mediave ndërkombëtare ndonëse me diferenca shumë të vogla mund të jetë norvegjezi Halaand i cili fitoi një triplet trofesh si protagonist me gola të shumtë tek Manchester City, konkretisht Premier League, Champions league dhe Kupën e federatës.
Ylli i anglezëve duhet të mund konkurrencën e Messit, fitues i kupës së botës për të cilin u shpërblye edhe me topin e artë pak kohë më parë, ndërsa Mbappe është ndjeshëm më pak i favorizuar në këtë garë.
Për trajnerin më të mirë të 2023 nga Fifa janë në garë Pep Guardiola, autor i një 2023 fantastik me Manchester City-n, si kampion Evrope dhe Anglie, por edhe dy teknikët italiane Simone Inzagi dhe Lucano Spaleti.
Te femrat, për çmimin futbollistja e vitit garojnë fituesja e freskët e topit të artë Aitana Bonmati e Barcelonës, e cila sfidohet nga fituesja e vitit të kaluar Linda Kaisedo e Real Madrid si dhe Xheni Hermoso e Tigres.
Sa i takon golit më të bukur të vitit 2023 kandidatët në garë janë Hulio Ensizo i Brighton, Gijerme Madruga i Botafogos dhe Nunjo Santos i Sporting Lisbone.
