Kryetari i FRPD, Besard Xhaferri ka reaguar pas raportit të FMN ku e pranon zyrtarisht se forcimi i shpejtë i Lekut gjatë vitit të kaluar nuk shpjegohet plotësisht nga faktorët ekonomikë.
Xhaferri ka theksuar se, de fakto, FMN po na thotë se ekonomia shqiptare është e varur nga eurot e drogës që hyjnë lirisht në Shqipëri dhe pastrohen në sektorë si ndërtimi dhe turizmi.
Ai shton se në çdo raport ndërkombëtar, Shqipëria faktohet si narkoshteti i vetëm në Evropë, ku puna dhe sipërmarrja e ndershme zhvlerësohet nga paratë e narkotrafikut dhe hajdutëve të qeverisë.
“Për herë të parë Fondi Monetar Ndërkombëtar e pranon edhe zyrtarisht se se forcimi i shpejtë i Lekut gjatë vitit të kaluar nuk shpjegohet plotësisht nga faktorët ekonomikë.
Në raportin e fundit të FMN për vlerësimin e ekonomisë shqiptare shkruhet e zeza në të bardhë se “Mbiçmimi i shpejtë i lekut që nga viti i kaluar nuk shpjegohet plotësisht nga bazat ekonomike duke shtuar rrezikun e një kthimi të papritur”.
Fondi nuk shpjegon se cilët janë faktorët përtej atyre ekonomikë, që çuan në forcimin e lekut me 11 për qind ndaj euros gjatë vitit të kaluar, por thekson se përmbysja mund të sillte rreziqe për sistemin financiar të vendit.
De fakto FMN po na thotë se ekonomia shqiptare është e varur nga eurot e drogës që hyjnë lirisht në Shqipëri dhe pastrohen në sektorë si ndërtimi dhe turizmi.
Paratë e drogës dhe korrupsionit, të cilin kryeminstri e quan sukses, fshihetën pas çmimeve të pëpërballueshme për blerjen e një apartamenti dhe pas falimentit të sektorit fasonë, që do hedhë në rrugë 75 mijë punonjës, duke shkaktuar një dramë të paprecedenë sociale në Shqipëri.
Në çdo raport ndërkombëtar Shqipëria faktohet si narkoshteti i vetëm në Evropë, ku puna dhe sipërmarrja e ndershme zhvlerësohet nga paratë e narkotrafikut dhe hajdutëve të qeverisë!”- ka deklaruar Xhaferri.
