50-vjeçari shqiptar, Fatmir Tarellarit, ndodhet aktualisht në burg pasi vrau kunatin e tij (vëllanë e bashkëshortes) i cili dyshohet se i përdhunonte të bijën.
Lidhur me rastin avokati i Tarellarit ka treguar për mediat vendase se klienti i tij nuk pendohet për krimin por është i shqetësuar vetëm për fëmijët.
“Autori i ka kuptuar përmasat e pasojave të veprimit të tij dhe e vetmja gjë që e shqetëson është e ardhmja e fëmijëve të tij. Ai pyet vetëm për fëmijët e tij dhe shqetësohet se si do të jetojnë pasi ai ishte mbështetës i tyre edhe financiarisht.”, tha avokati.
Kujtojmë se ngjarja e rëndë ndodhi në Volos. 18-vjeçarja aktualisht po merr mbështetje nga një psikolog për të menaxhuar ngjarjen. Ndërkohë gruaja e Erjon Pelivanit, që mbeti i vrarë, nuk ka dhënë ende një deklaratë. Kujtojmë se Fatmir Tarellari ka 3 vajza nga martesa e parë dhe 1 djalë nga martesa e dytë.
