Autoritetet policore greke kanë publikuar pamjet e momentit kur zbulojnë kokainën që i përkiste 45-vjeçarit shqiptar Vaska Qirjako Leka, i datëlindjes 1979.
Siç shihet dhe në pamjet e videos së mëposhtme, pakot me peshë totale 45 kilogramë kokainë të pastër, kanë qenë të fshehura në në mur me blloqe betoni. Bashkë me kokainën, u sekuestrua një kallashnikov, një pistoletë dhe 146 fishekë, nga departamentit të anti drogës greke në banesën në Koropi të Athinës.
Sipas policisë, lënda narkotike tregtohej nga shqiptari, i cili u arrestua pas informacioneve që policia greke kishte në rrugë operative. Policia thotë se po heton për gjetjen e personave që Leka mund të ketë bashkëpunuar.
Mbi pakot e drogës ishin logot e NBA dhe LeBron James, të dy emërtime të gjetura në shumë operacione të dy viteve të fundit çka tregon se kemi të bëjmë me një linjë të mirëorganizuar të trafikut të kokainës në Greqi.
