50-vjeçari shqiptar Fatmir Talellari ka shpjeguar në polici arsyet që e shtynë drejt vrasjes së kunatit të tij i cili dyshohet se përdhunoi vajzën e tij 18 vjeç kur ajo ishte e mitur.
“Më helmoi fëmijën, bëra atë që duhej, jam baba”-ka pohuar 50-vjeçari, duke shtuar se e kuptoi se diçka nuk shkonte kur vajza e tij filloi t’i kërkonte shpesh para.
Në të njëjtën kohë ai u njoftua se kishte problem edhe me pagesën e qirasë nga ana e vajzës, ndaj vendosi të bisedojë me të.
Më pas vajza e detyruar të flas i ka të treguar të atit tmerrin që po jetonte nga vëllai të gruas së tij.
Sipas vajzës, 33-vjeçari Erjon Pelivani e ka përdhunuar që në moshën 9-vjeçare dhe kur ajo u rrit ai filloi ta filmonte dhe fotografonte në pozicione të pahijshme.
Ai, në fakt, dyshohet se i ka mbajtur për vete pamjet video, më pas ka shantazhuar 18-vjeçaren.
Kur vajza ka filluar punën, herë pas here ai dyshohet se e ka marrë në telefon dhe i ka kërkuar që t’i jepte paratë që po fitonte, nën kërcënimin se do të publikonte materialin që posedonte.
