Një dyqan duraluminin është përfshirë nga flakët në rrugën Naim Frashëri në afërsi të “21 Dhjetorit” në Tiranë.
Raportohet vetëm për dëme materiale.
Dyshohet se shkak i zjarrit është bërë një shkëndi elektrike e një prej makinerive.
“Më datë 10.01.2024, rreth orës 14:17, në rrugën “Naim Frashëri”, ka rënë zjarr në një biznes me materiale alumini, në pronësi të shtetasit A. Sh., dhe si pasojë ka vetëm dëme materiale.”– njofton policia.
Grupi hetimor ndodhet në vendngjarje dhe po punon për shkaqet e rënies së zjarrit.
