Një trup i pajetë është gjetur mesditën e kësaj të mërkure në Shkodër. Ngjarja ka ndodhur në lagjen ‘Perash’, ndërsa viktima është identifikuar si A.M., 47 vjeç.
Dyshohet se burri ka ndërruar jetë për shkaqe natyrale.
‘Rreth orës 12:00, është gjetur i pajetë, nga familjarët, në banesën e tij në lagjen “Perash”, shtetasi A. M., 47 vjeç. Paraprakisht, në trupin e 47-vjeçarit nuk janë konstatuar shenja dhune, dhe dyshohet se humbja e jetës është prej shkaqeve natyrale’,- njofton Policia.
Grupi hetimor vijon punën për të dokumentuar ligjërisht shkakun e vdekjes.
