Policia e Tiranës ka arrestuar 4 persona dhe ka vënë nën hetim 7 të tjera, pasi akuzohen se magazinonin dhe tregtonin paketa me cigare, të kontrabanduara, në dyqanet e tyre.
Në kuadër të operacionit policor të koduar “Cigarette” janë vënë në pranga shtetasit Flamur Zeqiraj, 68 vjeç, Pavlin Jakaj, 43 vjeç, Artur Shehu, 29 vjeç, dhe Edmond Ftoni, 26 vjeç, të gjithënga Tirana. Gjithashtu, janë proceduar në gjendje të lirë shtetasit: D. Y., 51 vjeç, A. H., 51 vjeç, I. D., 37 vjeç, S. O., 50 vjeç, G. B., 59 vjeç, L. H., 55 vjeç dhe A. T., të gjithë nga Tirana.
“Nga veprimet hetimore ka rezultuar se këta shtetas kanë kontrabanduar, magazinuar dhe tregtuar cigare, në subjektet e tyre tregtare, si dhe kanë fshehur të ardhurat e përfituara nga kjo veprimtari.” – thuhet në njoftimin e bluve të kryeqytetit.
Materialet procedurale i kaluan Prokurorisë së Tiranës për veprime të mëtejshme.
