Një ngjarje e rëndë është regjistruar mesditën e kësaj të marte në qytetin e Elbasanit, ku një 36-vjeçar është vetëhedhur nga lartësia e pallatit ku banonte.
Autoritetet bëjnë me dije se bëhet fjalë për shtetasin me inicialet B.M., i cili është transportuar me urgjencë në spital për asistencë mjekësore. Ngjarja ka ndodhur rreth orës 13:15, në lagjen “Çlirimi”.
36-vjeçari dyshohet se e ka ndërmarrë aktin ekstrem në kushte të rënduara psikologjike. Grupi hetimor në vendngjarje po kryen të gjitha veprimet me qëllim zbardhjen e rrethanave të rastit.
