Këtë të hënë pritet të mbahet seanca gjyqësore për Xhemal Lokën, bashkëshorti i Bedri Lokës, 41-vjeçarja që i dha fund jetës duke pirë fostoksinë.
Ngjarja e rëndë që ndodhi më 2 janar të këtij viti, fillimisht u raportua se erdhi si pasojë e bullizimit që Bedria kishte marrë në rrjetin social Tik-Tok, por më vonë dëshmia e fëmijëve çoi në një pistë tjetër hetimi.
Ata deklaruan se babai i tyre, Xhemal Loka kishte tentuar të vriste nënën e tyre, pasi ishte kthyer nga Greqia, vend ku punonte në periudhë sezonale.
Pas dëshmisë së fëmijëve, më 6 janar blutë e Durrësit arrestuan bashkëshortin, Xhemal Loka, pasi dyshuan se ka nxitur bashkëshorten e tij të kryente vetëvrasje, edhe pse ky i fundit ka mohuar akuzat.
Pritet që gjykata të caktojë masën e sigurisë ndaj tij.
