Kryeministri Edi Rama do të mbledhë Qeverinë ditën e nesërme, e martë, në një hotel në qytetin e Lezhës, në takimin e parë informal për këtë vit
I gjithë kabineti qeveritar, përfshirë dhe zëvendësministrat, por dhe drejtuesit politik të qarqeve e drejtorët e drejtorive të rëndësishme rajonale, për dy ditë do të analizojnë punën e tyre të vitit që lamë pas dhe do të vendosin prioritetet për vitin e ri.
Në axhendën e mbledhjes që Tv Klan e disponon është parashikuar të ketë diskutime, jo vetëm për punët e qeverisë, por dhe riorganizimin e partisë, një vit përpara zgjedhjeve parlamentare të 2025-ës.
Pavarësisht lajmeve që qarkullojnë, Rama e mohoi në konferencën e fundvitit që ta çojë vendin në zgjedhje të parakohshme gjatë 2024-ës.
