Gjendet i pajetë një i moshuar në lagjen 17 të qytetit të Korçës. Bëhet fjalë për shtetasin Fari Adil, rreth 87-vjeç, i cili vuante nga skleroza.
Rreth 20 ditë më parë e bija ka bërë deklarim në Polici që ka humbur kontaktet me babain.
“Më datë 08.01.2024, rreth orës 09:00, në lagjen nr. 17, Korçë, në një tokë arë, është gjetur pa shenja jete, pa shenja dhune, shtetasi F. A., 87 vjeç, banues në Korçë. Nga verifikimi i kryer rezulton se ky shtetas është larguar nga banesa më datë 18.12.2023.” – njofton policia.
Trupi i 87-vjeçarit, ndodhet në morgun e spitalit për veprime të mëtejshme.
Grupi hetimor po punon për zbardhjen e rrethanave të ngjarjes.
