Aktori i njohur i Hollywood, 51-vjeçari Christian Klepser, ka ndërruar jetën bashkë me dy vajzat e tij të mitura, Madita, 10 vjeç dhe Annik, 12 vjeç, pasi avioni me të cilin ata po udhëtonin është rrëzuar në ujërat e ishullit të Karaibeve.
Një deklaratë nga Forca e Policisë Mbretërore të Shën Vincentit dhe Grenadineve, bën me dije se incidenti ndodhi në ishullin Bequia.
Sipas raportimeve, mësohet se incidenti ka ndodhur për shkak se avioni ka pësuar vështirësi gjatë fluturimit, dhe më pas është rrëzuar në oqean.
Autoritetet thanë se trupat e pilotit dhe pasagjerëve u nxorën nga avioni dhe ujërat nga Roja Bregdetare, por jo të gjallë.
Një video e publikuar nga mediat e huaja, ka kapur momentet kur avioni ka rënë papritur nga qielli në ujë dhe më pas të zhdukej mes valëve.
Kujtojmë se aktori është i njohur për rolet në filma si “Speed Racer,” “The Good German,” “Valkyrie” dhe “Indiana Jones dhe ora e fatit”.
