Detaje të reja kanë dalë në dritë nga krimi i dyfishtë që ndodhi këtë të enjte në zonën e Freskut në Tiranë, ku 63 vjeçari Vehap Cami, vrau vëllanë e tij Lulzim Cami, 68 vjeç dhe më pas veten.
Ngjarja e rëndë u raportua rreth orës 07:40 në rrugën “Xhon Belushi”, ku 63 vjeçari shkoi në banesën e të vëllait dhe pas një konflikti të castit qëlloi me pistoletë këtë të fundit dhe më pas vrau veten.
Nga të dhënat e para nga grupi hetimor dyshohet se konflikti ka pasur shkak problemet me pronat në Bulqizë. Ndërkohë mësohet se janë shoqëruar disa persona që kanë qenë dëshmitarë, janë sekuestruar disa kamera sigurie dhe arma e krimit, për të kuptuar dinamikën e plotë të ngjarjes.
