Juventus mposht Salernitanën me rezultatin e thellë 6-1 dhe arrin të kualifikohet në çerekfinalen e Kupës së Italisë.
Skuadra e Allegrit pësoi gol që në minutën e parë të takimit por më pas e kthyen ndeshjen në një seancë stërvitore. Një gafë në prapavijë i kushtoi shumë skuadrës nga Torino, teksa Ikwuemesi shfrytëzoi si duhet shansin e dhënë, duke ndëshkuar kështu Perin.
Bardhezinjtë nuk u pajtuan assesi me rezultatin dhe përmbysën llogaritë që në pjesën e parë. Cambiaso futi me kokë në zonë një top, me Mirettin që u tregua i saktë, duke dërguar shifrat në 1-1.
Një e majtë e Cambiasos, nga fare pranë portës, u përkthye në gol në të 35-tën minutë. Gjithçka filloi nga një kros i Chiesas, më pas asisti i Danilos për mesfushorin italian gjeti të papërgatitur të besuarit e Inzaghit.
Portieri Fiorillo mbajti në lojë Salernitanën duke i mohuar golin bardhezinjve në shtesën e fraksionit të parë, me anë të një pritje fantastike ndaj Fabio Mirettit. Edhe pse i parmarkuar, Miretti nuk realizoi dot. Në minutën e 54-të, Juventus i vendosi kapakun kualifikimit, pas golit të Ruganit.
15 minuta para fundit, një autogol i Bronn thelloi shifrat. Në të 88-tën, pati kohë edhe për Yildiz dhe më pas për Weah. Juventus, në çerekfinale, do përballet me Frosinonen.
