Krahu i armatosur i Frontit Çlirimtar të Palestinës (PLF) njoftoi se një ushtar izraelit i mbajtur peng u vra gjatë një sulmi ajror izraelit pas një operacioni të dështuar të ushtrisë izraelite për ta liruar atë.
Në një mesazh audio të transmetuar nga rrjeti televiziv Al Araby, një zëdhënës i Brigadave Abu Ali Mustafa thotë se sulmi ajror u krye pas një përpjekjeje të dështuar të komandove izraelite për të liruar ushtarin, shkruajnë mediat e huaja.
Në javët e fundit, disa prej pengjeve izraelite janë gjetur të vrarë në tunelet që zbulohen nga ushtria. Këtë javë u deklarua e vdekur një grua e cila mendohej se ishte marrë peng. Por sipas verifikimeve doli se gruaja ishte vrarë në 7 tetor gjatë sulmit nga Hamasi dhe trupi i saj u çua në Gazë.
