Një sherr që ka degraduar në përdorimin e armëve të ftohta ka ndodhur në Itali, ku protagonistë janë dy shqiptarë.
Mediat vendase shkruajnë se babë e bir, me origjinë nga Shqipëria, janë konfliktuar me një shtetas Italian dhe e kanë plagosur me thikë.
Sipas raportimeve ka qënë shtetasi italian ai i cili fillimisht ka kërcënuar me thikë 50-vjeçarin shqiptar, dhe këtij të fundit i ka ardhur në ndihmë i biri 20 vjeç. Konflikti degradoi më tej, dhe 20-vjeçari goditi me thikë shtetasin italian në gjoks.
I plagosuri u transportua me urgjencë për në spital ku u nënshtrua një operacioni. Ndërsa babë e bir u arrestuan pasi akuzohen për veprën penale ‘vrasje e mbetur në tentativë’.
