Kylian Mbappe është në vitin e fundit të kontratës me Paris Saint-Germain. Sulmuesi nuk dëshiron të aktivizojë opsionin për të rinovuar edhe një vit tjetër me kryeqytetasit.
Real Madrid është gjithnjë në horizont dhe në fakt nga Spanja janë të sigurt se francezi do të transferohet në Spanjë verën e ardhshme.
“El Chiringuito” bën të ditur se 25-vjeçari e ka marrë tashmë vendimin dhe zgjedhja e tij e vetme është Real Madrid. Madrilenët mund të negociojnë me lojtarin që në janar dhe nënshkruajnë me të një parakontratë.
Mbappe do të zbarkojë në Santiago Bernabeu si një nga idhujt e tifozerisë madrilene, të cilët për momentin janë të “dashuruar” me Bellingham.
