Avokatët e ish-kryeministrit Sali Berisha kanë mbërritur në GJKKO ku pritet që ditën e sotme ora 11:00 të nisë seanca ku do të jepet edhe vendimi për masën e sigurisë.
Ditën e djeshme SPAK ka kërkuar masën e “arrest shtëpie” me mbikëqyrje policore ndaj ish-kryeministrit, ndërsa avokatët kërkuan shtyrje të seancës.
Kujtojmë që gjatë paradites së sotme, Sali Berisha thirri një protestë përballë Gjykatës së lartë aty ku po zhvillohej seanca gjyqësore për vulën e Partisë Demokratike. Tubimi ka qenë kryesisht paqësor me disa incidente të vogla, ndërsa kreu i opozitës paralajmëroi se protestat do të vijojnë në të gjitha qytetet e vendit.
