Deputeti Ervin Salianji, ka zhvilluar mbrëmjen e kësaj të mërkure një takim me anëtarët dhe simpatizantët e partisë demokratike në qytetin e Korçës.
Përmes një postimi në rrjete sociale, Salianji ka ndarë foto nga takimi krahas së cilave shkruan se sot më shumë se kurrë Partia Demokratike ka nevojë për rikonceptim dhe bashkim. Ndër të tjera ai shprehet se fuqia e PD-së vjen nga rrënjët që janë strukturat, të cilat duhen “ushqyer” e jo “gërryer”.
Postimi i plotë:
Korçë, me drejtuesit e seksioneve të Partisë Demokratike, luftetarë të pashembullt, që së bashku e mundëm qeverinë në zonën tonë elektorale në zgjedhjet e 25 Prillit 2021!
Forca e madhe e Partisë Demokratike janë anëtarët, simpatizantët, gendrestarët! Duke vlerësuar së pari kapacitetet e sprovuara si fitues në fushata, PD ka nevoje jetike për bashkim e më tej rinovim, rikonceptim! Burimi, themeli, zanafilla jonë, janë dhe duhet të jenë njerëzit!
Fuqia më e madhe e Partisë Demokratike janë, anëtarët, ata që kurrë nuk të lëshojnë edhe pse kanë të drejtë, më shumë se kushdo, të kritikojnë.
Fuqia e këtyre njerëzve qëndrestarë e luftarakë, buron nga energjia e rinovimit, rikonceptimit, risive të pashterueshme që duhet të ketë dhe i ka jetike sot me shumë Partia Demokratike. Fuqia jonë vjen nga rrënjët që janë strukturat e që duhen “ushqyer” e jo “grryer”.
