Manchester United mbetet një skuadër që të bën me zemër, pasi luhatjet brenda një ndeshje janë të frikshme për të besuarit e trajnerit Erik ten Hag.
United mori një fitore me përmbysje ndaj Aston Vilës në shifrat 3-2 dhe tani shkojnë në kuotën e 31 pikëve. Ndërsa skuadra e drejtuar nga Unai Emeri mbetet e treta me 39 pikë, duke mos ndjekur hapin e Liverpulit kryesues.
Ndeshje me dy tablo dhe me bollëk golash. Pjesa e parë foli për Aston Vilën që shënoi dy gola, ku shfrytëzoi gabimet e portierit Onana dhe mbrojtjes së Junajtid. MkGin shënoi në minutën e 21-të dhe pesë minuta më vonë Dendonker dyfishoi për miqtë. Në shifrat 0-2 u mbyll pjesa e parë më “Old Trafford”. Pjesa e dytë nisi “zjarr” për të besuarit e trajnerit Erik Ten Hag, ku protagonist është argjentinasi Alejandro Granço.
19-vjeçari e gjeti rrugën e rrjetës që në minutën e 48-të, por u anulua për pozicion jashtë loje. Por në të 59-ën Garnaço ngushton shifrat në 1-2 dhe në të 71-ën argjentinasi shënon golin e dytë personal dhe barazon rezultatin në 2-2. Në minutën e 82-të vjen përmbysja “e çmendur” e Junajtid, ku Hojlund shënon golin e tretë për “djajtë e kuq”.
Shikoni golin Manchester United-Aston Villa 0-1
Shikoni golin Manchester United-Aston Villa 0-2
Shikoni golin Manchester United-Aston Villa 1-2
