Sokol Kiqina nuk është më një futbollist i Erzenit. Lajmin e bën të ditur vetë lojtari me një postim në llogarinë e tij në Facebook ku njofton largimin nga skuadra.
“Miq të dashur, nga sto unë dhe Erzeni ndajmë rrugët. Ju falenderoj përzemërsisht të gjithë tifozët shijakas dhe kryesinë e klubit. Një vit plot kënaqësi, sfida e aventura në Kategorinë Superiore. Ishte kënaqësi të jem pjesë e familjes suaj. Respekt dhe Suksese KF Erzeni!”- njofton Kiqina.
Lojtari, pas një bisedimi me stafin teknik dhe klubin vendosi të shohë për një aventurë tjetër për të zhvilluar futbollin e tij.
Sulmuesi 21-vjeçar nuk gjeti shumë hapsira këtë sezon duke luajtur vetëm 9 ndeshje, por në minuta e fundit të sfidave.
