Sekretari i Përgjithshëm i Partisë Demokratike, Flamur Noka, ka komentuar sërish aksionin e opozitës dhe zhvillimet e fundit në PD.
Përmes një postimi në rrjetin e tij social fb, Noka ka hedhur akuza drejt kryeministrit Rama, se kërkon të likuidojë PD, ndërsa shton se mosbindja civile është detyrim për demokratët.
“Mosbindja civile është detyrim për ne demokratët që pasi e vendosi Kuvendi Kombëtar. Rama i ka shpallur luftë opozitës. Ai kërkon të likuidojë PD, forcën tonë. Agresioni politik i celulave të Narkorilindjes në gjyqësor ndaj Sali Berishës është tregues i urrejtjes që Rama ka ndaj opozitës dhe fjalës së lirë që ne përfaqësojmë bashkë me zgjedhësit tanë.
O sot o kurrë të mbrojmë demokracinë!
O sot o kurrë të mbrojmë PD-në dhe opozitën!
Të mbrojmë lirinë dhe të drejtat kushtetuese!”,- shkruan Noka në fb.
