Duket se radhët kilometrike në pikat doganore në prag të fundvitit do të jenë të përvitshme, për aq kohë sa kemi një shtet që nuk reagon për tmerrin që përjetojnë qytetarët e saj.
Ditë tmerri ka qenë dhe e sotme në tre pikat e kalimit kufitar me Greqinë dhe Maqedoninë e Veriut (Kakavijë, Kapshticë dhe Qafëthanë), ku janë krijuar radhë të gjata me qytetarët në pritje për shkak të fluksit të madh të emigrantëve që kthehen në atdhe. Ankesat kanë qenë të shumta, por situata vazhdoi e njëjtë.
Pavarësisht fluksit të lartë, palët e doganës greke kanë punuar me ritme të ngadalta, duke bërë që familjet shqiptare, ku shumë prej tyre dhe me fëmijë të vegjël të prisnin për orë të tëra në doganë.
Ky fundvit është i pari për ministrin e Jashtëm, Igli Hasani, por duket se dhe ky njësoj si paraardhësit e tij në atë ministri, nuk e ngrë zërin tek shteti fqinj, për një shqetësim të përvitshëm të emigrantëve shqiptarë në Greqi.
Ditën e sotme nuk ka patur as edhe një reagim nga Ministria e Jashtme në lidhje me situatën, ku siç duket, pret zhbollikim e situatës për të marrë meritat kot, vetëm për propagandë.
