Një 66-vjeçar është arrestuar ditën e sotme në Elbasan pasi akuzohet për grabitje.
Blutë bëjnë me dije se ky shtetas ka grabitur një shumë parash nga arka e një lokali në lagjen “Luigj Gurakuqi”.
Nga hetimet ka rezultuar se 66-vjeçari është dënuar edhe më parë për për të njëjtën vepër penale.
“Specialistët për Hetimin e Krimeve të Komisariatit të Policisë Elbasan, pas marrjes së njoftimit për një rast vjedhjeje në një lokal, në lagjen “Luigj Gurakuqi”, kanë shkuar në adresën e dhënë, me qëllim kapjen dhe nxjerrjen përpara përgjegjësisë ligjore të autorit të këtij rasti.
Si rezultat i veprimeve të shpejta, u identifikua dhe u arrestua për veprën penale “Vjedhja”, shtetasi 66 vjeç, banues në Elbasan, i dënuar më parë për të njëjtën vepër penale.
Ky shtetas dyshohet se ka vjedhur në arkën e një lokali, në lagjen “Luigj Gurakuqi”, një shumë parash, e cila u gjet dhe u sekuestrua në cilësinë e provës materiale”,- njofton Policia.
