Pas miratimit të kërkesës së SPAK me 75 vota pro, për heqjen e imunitetit, Berisha iu bashkua protestës te Parlamenti ku u prit me thirrje e brohorima nga mbështetësit demokratë.
Gjatë fjalës së tij, Berisha u shpreh se dhënia e autorizimit nga Parlamenti për arrestimin e tij, tregon tmerrin që ka PS nga opozita.
“Kjo është një përpjekje që dëshmon tmerrin që kanë sot ata nga ju, opozita e vërtetë, që përjetojnë se pse dështuan me sipërmarrjen e tyre më kriminale, atë të krijimit të opozitë fasadë, të realizimit të ëndrrës së Edi Ramës për një narkoshtet pa opozitës.
Me Ramës s’ka zgjedhje, rrëzimi i tij nga pushteti është misioni ynë i shenjtë. Ky shushunjë vjedh me të gjithë tentakualat e tij s’mund të heshtim përpara aferave që arrijnë 1 miliardë”, tha Berisha.
