Partizani është fituesi i Superkupës së Shqipërisë. “Demat” mposhtën Egnatian me rezultatin minimal 1-0. Golin e vetëm të kësaj sfide e shënoi Arinaldo Rrapaj në minutën e 37-të të sfidës pas një gafe të Alen Sherrit.
Pas kësaj sfide për mikrofonat e MCN TV, ka folur portieri i Partizanit, Pano Qirko, i cili priti dhe një penallti ndaj rrogozhinasve.
“Ndihem shumë i lumtur që kam fituar Superkupën e dytë në karrierën time. Falenderoj çunat për sakrificat. Jam me fat që kam patur trajnerë portierash shumë të mirë. Kemi kaluar shumë kohë për tu stërvitur, e kishim studiuar edhe atë penallti që prita. Profesor Luan Birçja ka investuar shumë që unë të jem ky që jam sot. Më ka dhënë besimin dhe gjithçka”, u shpreh Qirko.
