Kryetari i PD-së, Sali Berisha paralajmëroi këtë të Mërkurë ketë një protestë para Prokurorisë së Posaçme. Deklaratën e bëri në një dalje për mediat nga selia blu, nga ku hodhi akuza se SPAK po amniston Erion Veliaj, Edi Ramën dhe zyrtarë të tjerë të lartë në çështjet e inceneratorëve.
“Zgjidhja vjen nga protesta juaj, të dashur qytetarë, para këtij institucioni që funksionon në mënyrë absolute njëlloj si dikur hetuesit e sigurimit të shtetit”, tha Berisha.
Më tej gjatë konferencës për mediat, duke iu përgjigjur interesit të gazetarëve, Berisha tha se me siguri do të ketë një protestë kundër veprimeve të SPAK, por pa dhënë një datë.
I pyetur nëse e ka konsideruar që në rast të një mase arrest shtëpie ndaj tij, ai ta kryejë në selinë e PD-së, Berisha nuk dha detaje.
Lidhur me protestën e lajmëruar të enjten (nesër) para Kuvendit, Berisha tha: Ku do jem unë atë ditë? Kudo do jem unë. Pantotenik. Në sallë, jashtë salle, te qytetarët dhe kudo. Në betejë, betejë pa kthim…
